ხელვაჩაურის მერის მოადგილემ თანამდებობა დატოვა და ახლა უკვე ინტერესი გაჩნდა, ხომარ იქნება შემდეგი მუნიციპალიტეტის პირველი პირი. ამ ფონზე ოპოზიცია ვარდმანიძის იმპიჩმენტს ითხოვს. საკითხი ერთიანი ნაციონალური მოძრაობის წევრებს დღეს საკრებულოს სხდომაზე უნდა დაეყენებინათ. თუმცა მმართველი გუნდის წევრები თემაზე მსჯელობას გაურბიან.
ასე მიმართა ოპოზიციონერმა დეპუტატმა მმართველი გუნდის წარმომამადგენლებს, რომლებიც დღეს, საკრებულოს რიგ-გარეშე სხდომაზე არ მივიდნენ. ოპოზიციის მიერ ჩანიშნულ სხომას არც საკრებულოს თავჯდომარე ესწრებოდა. დღის წესრიგის მიხედვით, სხდომაზე აუდიტის სამსახურის 2017 წლის დასკვნა უნდა განეხილათ. „ნაციონალური მოძრაობის“ ინფორმაციით, მაკონტროლებელმა ორგანომ შესწავლის შედეგად მნიშვნელოვანი ხარვეზები აღმოაჩინა.
„ნაციონალური მოზრაობის“ წევრების მტკიცებით, მმართველი გუნდის დეპუტატები სხდომაზე მუნიციპალიტეტის პირველი პირების დავალებით არ მივიდნენ. სწორედ ამ სხდომაზე ოპოზიცია მერის, ჯუმბერ ვარდმანიძის იმპიჩმენტის საკითხის დაყენებას აპირებდა. მიაჩნიათ, რომ პროექტების განხორციელებისას დაშვებული შეცდომები მუნიციპალიტეტის პირველი პირის უუნარობის შედეგია. ისინი შექმნილ ვითარებაში საკრებულოს მოქმედი თავჯდომარის ბრალეულობასაც ხედავენ. აუდიტორებმა ხარვეზები სწორედ ნადიმ ვარშანიძის მერობის დროს დააფიქსირეს.
საკრებულოს რიგგარეშე სხდომას, ოპოზიციის გარდა დამოუკიდებელი დეპუტატიც ესწრებოდა. მურად გორგაძე მერის იმპიჩმენტს მხარს იმ შემთხვევაში დაუჭერს, თუ საკრებულოს სხდომაზე დასმულ შეკითხვებს ჯუმბერ ვარდმანიძე სათანადო პასუხებს არ გასცემს.
აუდიტის კრიტიკულ დასკვნაში საგანგაშო ვერაფერი დაინახა ხელვაჩაურის მერმა. მუნიციპალიტეტის პირველ პირს იმის მოლოდინი არ აქვს, რომ თანამდებობიდან გადადგომა მოუწევს. ვარდმანიძე ამბობს, რომ დაინტერესებული პირების შეკითხვებს ხვალ, საკრებულოს სხდომაზე უპასუხებს.
ოპოზიციის ბრალდებები უსაფუძვლოდ მიაჩნია საკრებულოს თავჯდომარეს, რომელიც ამბობს, რომ მისი და მერის იმპიჩმენტის საკითხს მმართველი გუნდი მხარს არ დაუჭერს.
დატოვებს თუ არა ხელვაჩაურის მერი და საკრებულოს თავმჯდომარე თანამდებობას ხვალ გახდება ცნობილი. შეგახსენებთ, რომ აუდიტის 2017 წლის ანგარიშის თანახმად, მუნიციპალიტეტში რამდენიმე მნიშვნელოვანი პროექტის განხორციელებისას ხარვეზები დაფიქსირდა. გუშინ, საკთარი განცხადების საფუძველზე თანამდებობა დატოვა მერის პირველმა მოადგილემ. ზვიად ხალვაში სატელეფონო ზარებს არ პასუხოსბ, შესაბამისად უცნობი რჩება უკავშირდება თუ არა მისი გადაწყვეტილება აუდიტის დასკვნას.
13
s
s
s