ქალაქის თვითმმართველომ გადაწყვიტა, რომ 1 მაისიდან ზღვისპირა ზოლში მოპედებით მოძრაობა აკრძალოს. სიახლემ სატრანსპორტო საშუალებების მფლობელების უკმაყოფილება უკვე გამოიწვია. ქალაქის ხელმძღვანელობა გადაწყვეტილების გადახედვას არ აპირებს. ველოდეთ უნდა თუ არა მასშტაბურ გამოსვლებს?
რეგულაციები, რომლებიც ბათუმის საკრებულოს გადაწყვეტილებით პირველი მაისიდან ამოქმედდება, ელექტრომობილებისა და კვადროციკლების მეპატრონეებმა დღეს გააპროტესტეს. 60-მდე თვითდასაქმებული ირწმუნება, რომ მათთვის გაფრთხილება არავის მიუცია. ისინი რეგულაციის გადახედვას ითხოვენ.
თვითდასაქმებულები თანხმდებიან, რომ გასულ ზაფხულს მოპედების გადაჭარბებული სიჩქარის გამო, ბევრი მოქალაქე დაშავდა, თუმცა ირწმუნებიან, რომ მსგავსი შემთხვევები აღარ განმეორდება. ისინი შეთანხმების შემთხვევაში მოპედებისა და ელექტრომავლების რაოდენობას 1 300-იდან 300-მდე შეამცირებენ, ასევე, დაარეგულირებენ სიჩქარესაც.
მოგვიანებით აქციის მონაწილეები ბულვარის ადმინისტრაციის დირექტორს შეხვდნენ და ირაკლი ჯინჭარაძეს თავიანთი მოთხოვნები გააცნეს.
ბულვარის ადმინისტრაციაში განმარტეს, რომ რეკრეაციულ ზონაში სატრანსპორტო საშუალების სწრაფი გადადგილება ვიზიტორებისთვის საფრთხის შემცველია.
ოფიციალური სტატისტიკის თანახმად, გასულ წელს ბულვარში დარღვევის 51 შემთხვევა დაფიქსირდა, ყველა მათგანი სისხლის სამართლის დანაშაულის ნიშნებს შეიცავს.
მაისამდე ბულვარის შესასვლელსა და გასასვლელში ელექტრო მობილების ამკრძალავი ნიშნულებიც განთავსდება. იმ შემთხვევაში თუ კანონს ელექტრო მობილებისა და კვადროციკლების მფლობელები დაარღვევენ, პატრულისა და ზედამხედველობის სამსახურის მიერ დაჯარიმდებიან. რეგულაცია ბულვარის გარდა, სკვერებზეც გავრცელდება.
11
s
s
s