25, მარტი 2019 17:10:00
ქვეყნის მასშტაბით სოციალური მუშაკები გაიფიცნენ. მათ დღეს, აჭარაში მოქმედ სოციალურ სააგენტოებში დასაქმებულებიც შეუერთდნენ. ვარდების სკვერში შეკრებილებმა სისტემური ცვლილებების განხორციელება მოითხოვეს. ამბობენ, რომ ამ ვითარებაში მუშაობის გაგრძელებას ვეღარ შეძლებენ, რადგან მცირე ხელფასთან ერთად, ისინი ხშირად გამოუვალ მდგომარეობაში რჩებიან იმის გამო, რომ რეგიონში კრიზისული ცენტრი არარსებობს. ქობულეთის ფილიალში დასაქმებული მუშაკის ინფორმაციით, მასზე და მის თანამშრომლებზე უფროსმა მუქარა და ზეწოლა განახორციელა. სოცმუშაკებზე სავარაუდო ზეწოლის ფაქტების შესწავლა ექსვმა არასამთავრობო ორგანიზაციამ დაიწყო.