სამშაბათი 20, აგვისტო 2019

ტრანსპორტის გარეშე დარჩენილი სოფელი

28, მარტი 2019 20:56:00

სოფელი, რომელსაც ტრანსპორტი არ ემსახურება. გორგაძეებში მუნიციპალური ავტობუსი 3 წელია აღარ გამოჩენილა. ადგილობრივებს ფეხით დაახლოებით 4 კილომეტრის გავლა უწევთ.  უჭირთ სოფლის ნობათის რეალიზებაც.

სოფელ გორგაძეებში ეს მუნიციპალური მოსაცდელი ახლა უფუნქციოდ არის დარჩენილი. აქ მცხოვრებლები ნაგებობას მხოლოდ წვიმისგან დასაცავად იყენებენ. სოფელს მიკრო ავტობუსი დიდი ხანია, რაც აღარ ემსახურება, მიზეზი კი ადგილობრივებისთვის გაურკვეველია.

ადგილობრივები იმ პრობლემებზე გვიყვებიან, რაც ტრანსპორტის არქონამ გამოიწვია. მოსახლეობის უმეტესი ნაწილი ქალაქშია დასაქმებული და მათ ფეხით გადადგილება დაახლოებით 2 კილომეტრი უწევთ. მათთვის განსაკუთრებით რთულია ზამთრის პერიოდი, როდესაც უმეტესად ნალექიანი ამინდებია. 

სოფელში,ზურაბ გორგილაძის სახელობის მუზეუმი ფუნქციონირებს. ტრანსპორტის არარსებობის შედეგად კი ვიზიტორების სიმცირეა. პრობლემურია სოფლის ნობათის ტრანსპორტირება და რეალიზაცია. 

შექმნილ პრობლემას ქობულეთის მერიაში იმით ხსნიან, რომ მგზავრთა ნაკადის მცირე იყო. მუნიცპალიტეტის მერი განმარტავს, რომ საკითხის შესწავლის პროცესში არიან. თუმცა მირიან ქათამაძე ვერ აკონკრეტებს  განაახლებს თუ არა მიკროავტობუსი სოფელში მუშაობას. 

ქობულეთის მუნიციპალიტეტის, სოფელ გორგაძეებში 200-ზე მეტი ოჯახი ცხოვრობს. 


დღის ამბები