25, აპრილი 2019 20:58:00
დეპუტატი, რომელმაც საკუთარი ნათესავები აჭარის უმაღლეს საბჭოში, მაჟორიტარის ბიუროში და მშობლიური სოფლის საბავშვო ბაღში დაასაქმა. გიორგი რომანაძემ სიძეები სამსახურში ხელშეკრულებით აიყვანა. უქმნის თუ არა ეს გამოება უხერხულობას წარმომადგენლობითი ორგანოს მთავარ ფინანსისტს ? რომანაძე დუმს. კომენტარს არც ისინი აკეთებენ, ვისაც დეპუტატი ნათესავი მფარველობს.
გიორგი რომანაძემ დის ქმარი სამსახურში 2017 წლის ბოლოს კონკურსის გარეშე, ხელშეკრულების საფუძველზე აიყვანა. ბიუროში მამუკა გოგიტიძე მარტო მუშაობს. დეპუტატის სიძეს ყოველთვიურად ანაზღაურების სახით 1 000 ლარამდე ერიცხება. მისი ვალდებულება მხოლოდ მოქალაქეების და მათი წერილების მიღებაა.
აღმოჩნდა, რომ გიორგი რომანაძემ საკუთარი უსაფრთხოება სხვას ვერ ანდო და პირად მძღოლად მეორე სიძე აიყვანა. უცნობია რა უჯდება ბიუჯეტს კიდევ ერთი ნათესავის უკონკურსოდ დასაქმება. აჭარის უმაღლესი საბჭოს პრესცენტრში ემზარ მეგრელიძის თანამდებობრივი სარგოს შესახებ ინფორმაცია არ მოგვაწოდეს. აქ გვითხრეს, რომ პერსონალური მონაცემების გაცემის უფლება არ აქვთ. უქმნის თუ არა უხერხულობას ის გარემოება, რომ ცოლის ძმამ მისი დასაქმება უზრუნველყო? ემზარ მეგრელიძე ჩვენს კითხვებს გაურბის და თემაზე კომენტარს არ აკეთებს.
სიძეებმა და დეპუტატმა მედიასთან ურთიერთობის თითქმის იდენტური ფორმა აირჩიეს. ჩვენს კითხვებს უმაღლესი საბჭოს მთავარი ფინანსისტიც გაურბის. დეპუტატს ვკითხეთ, რა ნიშნით და რა კრიტერიუმების გათვალისწინებით დაასაქმა მეგრელიძე და გოგიტიძე?
ნეპოტიზმის ფაქტი ოპოზიციის კრიტიკას იწვევს. „ნაციონალურ მოძრაობაში“ შერჩევით სამართალზეც საუბრობენ. ამბობენ, რომ ადამიანები, რომლებმაც გიორგი რომანაძის გამარჯვებაში დიდი წვლილი შეიტანეს, ისინი კვლავ დაუსაქმებელი დატოვეს.
საკითხზე უმრავლესობის წევრებმა საუბარი არ ისურვეს, მათ შორის არც რეგიონის წარმომადგენლობითი ორგანოს თავჯდომარემ. ერთადერთი, ვინც კოლეგის გადაწყვეტილების გამართლება სცადა ცოტნე ანანიძეა, რომელმაც ნეპოტიზმის ფაქტი ასე ახსნა:
მესამე სექტორი კი იმ გარემოების შესწავლას ითხოვს, რამდენად კეთილსინდისიერად მოხდა ამ ადამიანების დასაქმება.
ოპოზიციის ინფორმაციით, აჭარის უმაღლესი საბჭოს დეპუტატმა ნათესავები საკუთარის სოფლის საბავშვო ბაღშიც დაასაქმა.