კვირა 22, სექტემბერი 2019

რა უნდა გაითვალისწინონ არასრულწლოვნებმა სამსახურის ძიებისას

19, ივნისი 2019 20:30:00

აქვს თუ არა მუშაობის უფლება არასრულწლოვანს? არღვევენ თუ არა 17 წლამდე ახალგაზრდები კანონს მაშინ, როცა სამსახურებში საქმდებიან? რა პრობლემები და გამოწვევებს წინაშე დგას ამ მიმართულებით სახელმწიფო და  რამდენად ეფექტურია კონტროლის მექნიზმები?  

17 წლის ნინო ბერიძის თქმით, ერთ-ერთ კაფეში 14 საათიანი სამუშაო რეჟიმით იქამდე იმუშავა, ვიდრე არ გაარკვია, რომ ეს საკანონმდებლო დარღვევა იყო. დამსაქმებელს მისთვის შესაბამისი დოკუმენტაცია და არც გამოცდილება მოუთხოვია. არასრულწლოვანისთვის  სამუშაო კონტრაქტის პირობებიც უცნობი იყო. 
თითქმის იდენტური გზა გაიარა თორნიკე ქათამაძეც. იგი ამბობს, რომ არასრულწლოვანთა შრომით უფლებებზე ინფორმაცია არ ჰქონდა, რის გამოც ტრეფიკინგის მსხვერპლი გახდა. 
რა უნდა გაითვალისწინონ არასრულწლოვნებმა სამსახურის ძიებისას - ამ თემაზე დღეს იმ დისკუსიის ფარგლებში იმსჯელეს, რომელიც სხვადასხვა მხარის ჩართულობით გაიმართა. უჩვენეს აჭარაში ბავშვთა შრომის შესახებ მომზადებული სიუჟეტიც, რომელშიც ამ მიმართულებით არსებული პრობლემები და გამოწვევებია ასახული. აქტივობა „თავისუფალ ჟურნალისტთა სახლის“ მიერ იყო ორგანიზებული.
ბავშვთა შრომის უფლებები განსაკუთრებით ზაფხულის პერიოდში ირღვევა, როდესაც არასრულწლოვნები სეზონურად მუშაობენ - ასეთია იმ კვლევის შედეგები, რომელიც ორგანიზაცია „იალქანმა“ ჩაატარა.
იურისტის შეფასებით, კანონი, რომლითაც არასრულწლოვანთა საქმიანობა უნდა გაკონტროლდეს არაეფექტურია. ილონა დიასამიძის თქმით, დასაქმების კუთხით არის გარკვეული სახის დარღვევებიც.
კანონის თანახმად, ბავშვი არის პირი, რომელსაც არ მიუღწევია 18 წლის ასაკამდე.


დღის ამბები