13, იანვარი 2017 11:15:00
ბათუმში სადაზღვევო კომპანია „ირაოს“ ახალი სერვის-ცენტრი გაიხსნა. გახსნის ცერემონიალს კომპანიის წარმომადგენლებთან ერთად ქალქის მერიც ესწრებოდა. ბათუმში სადაზღვევო კომპანია „ირაოს“ ფილიალი 2010 წლიდან ფუნქციონირებს. თუმცა კომპანიამ მოსახლეობისთვის კომფორტული გარემოს შესაქმნელად რეგიონში საკუთარი წარმომადგენლობის გაფართოების გადაწყვეტილება მიიღო.
ახალ სერვის-ცენტრში მომხმარებელს თანამედროვე სტანდარტებით აღჭურვილ, რამდენიმე ნაწილად დაყოფილ სექტორში მოემსახურებიან. უძრავი ქონების, მშენებლობის, სამედიცინო, სამოგზაურო დაზღვევა-ეს იმ მომსახურების არასრული ჩამონათვალია, რომელსაც „ირაოს“ ახალი ფილიალში მისულ მომხმარებელს სთავაზობს.
ოფისის გახსნაზე მისულმა ქალაქის მერმა რეგიონში კომპანიის ახალი ფილიალის გახსნისა და სადაზღვევო ბიზნესის განვითარების მნიშვნელობაზე ისაუბრა.
ვენის სადაზღვევო ჯგუფ „ირაოს“ ახალი სერვის-ცენტრი ბათუმში ზუბალაშვილი 31 ნომერში მდებარეობს. ახალი ოფისი მომხმარებელს 09:30 დან 18: 30-მდე მოემსახურება.