25, ივლისი 2019 20:40:00
ირღვევა თუ არა გერის კონსტრიტუციური უფლება იმით, რომ მამკვიდრებლის გარდაცვალების შემთხვევაში ქონება სახელმწიფოს გადაეცემა. საქმეს საკონსტიტუციო სასამართლო განიხილავს. კანონის არაკონსტიტუციურად ცნობას მესამე სექტორი ითხოვს. რა არგუმენტები აქვს მოსარჩელე მხარეს? თინათინ ჭკუასელი გიამბობთ
კანონი თავად არეგულირებს, ვის უნდა დარჩეს მამკვიდრებლის ქონება. ამ კუთხით სამართლებრივად რიგითობის პრინციპი არსებობს. ჩამონათვალში არ ფიგურირებს გერი. მოქმედი კანონმდებლობით ის არ მოიაზრება გარდაცვლილის მემკვიდრედ. იურისტი გიორგი ხიმშიაშვილი, სამართლებრივ ხარვეზებზე საუბრობს.
ვინაიდან გერი არ მოიაზრება გარდაცვლილის მემკვიდრედ, მოქმედი კანონმდებლობით უფლებამოსილი პირის არარსებობის შემთხვევაში მამკვიდრებელის ქონება სახელმწიფოს გადაეცემა. იურისტები თვლიან, რომ გერის კონსტიტუციური უფლება ირღევვა, ასევე, მიდგომა დისკრიმინაციულია. საქმეს საქართველოს საკონსტიტუციო სასამართლოს მეორე კოლეგია განიხილავს.
სამართლებრივი კუთხით ხარვეზებს გამორიცხავს საქართევლოს პარლამენტის წარმომადგენელი საკონსტიტუციო სასამართლოში. ქრისტინე კუპრავას თქმით, დოკუმენტი მამკვიდრებლისა და მემკვიდრეების უფლებებს იცავს და ის სამოქალაქო მოთხოვნებს პასუხობს. იურისტი განმარტავს, რომ მსგავს მიდგომას ევროკავშირის ქვეყნებიც იზიარებს.
მსგავსი სამართლებრივი ურთიერთობის ხარვეზი ნახევარ დებთან და ნახევარ ძმებთან დაკავშირებითაც არსებობს და შესაძლოა მსჯელობა ამ კუთხითაც დაიწყოს. მამკვიდრებლის გარდაცვალების შემთხვევაში, ქონება რიგითობის მიხედვით ასე ნაწილდება: გარდაცვლილის შვილები, და, ძმა, დისშვილი და ძმისშვილი, ბებია, პაპა, ბებიის დედ-მამა, ბიძები, დეიდები, მამიდები; ბიძაშვილები, დეიდაშვილები, მამიდაშვილები.