31, ივლისი 2019 20:35:00
სოციალურად დაუცველი ოჯახი ბათუმიდან. უკიდურესად გაჭირვებული ქალი, რომელიც 6 შვილს მარტო ზრდის. ცხოვრება თავშესაფრის გარეშე სხვების დახმარების იმედად. ნაირა ხმალაძე შემწეობას სახელმწიფოსგან ითხოვს. თინათინ ჭკუასელი არკვევდა ჰქონდეს უნდა თუ არა მარტოხელა დედას ადგილობრივი ხელისუფლების იმედი.
32 წლის ნაირა სამსახურიდან დაბრუნდა. სახლში 6 მცირეწლოვანი შვილი ელოდება.
როცა დედა მუშაობს პატარები ნათლიასთან რჩებიან, უფროსები კი სახლში მარტო არიან.
მრავალშვილიანი დედა ერთერთ სასტუმროში დამლაგებლად მუშაობს. მიზერულ ხელფასთან ერთად იგი სოციალურ დახმარებასაც ღებულობს, რაც საკმარისი არ არის.
საკვები სოციალური სასადილოდან მოაქვთ.
მრავალშვილიანი დედა შესაძლოა რამდენიმე დღეში თავშესაფრის გარეშე დარჩეს. მეპატრონემ ქალს იმ საცხოვრებლის დაცლა მოსთხოვა , სადაც ქირით ცხოვრობს.
ამტკიცებს, რომ წლების განმავლობაში ოჯახური ძალადობის მსხვერპლი იყო. სწორედ ამიტომ გადაწყვიტა მარტო ცხოვრება. მას არც მარტოხელა დედის სტატუსი აქვს. მეუღლესთან განქორწინების პროცედურები კი ჯერ არ დასრულებულა.
მარტოხელა დედის მდგომარეობას კარგად იცნობენ არასამთავრობო ორგანიზაცია „იალქანში“. თიკო აბაშიძის თქმით ბავშვებს თავშესაფრის გარდა, სამედიცინო გამოკვლევები და ფსიქოლოგის დახმარებაც სჭირდება.
ბათუმის მერიაში აცხადებენ, რომ ნაირა ხმალაძე მერიის შესაბამისი, პროგრამებით სარგებლობს. რაც შეეხება ბინით უზრუნველყოფის პროგრამას, ეს მხოლოდ 7 და მეტშვილილიან ოჯახებზე ვრცელდება. ეს კი იმას ნიშნავს, რომ მრავალშილიანი დედა კვლავ თავშესაფრის გარეშე და კეთილი ადამიანების დახამრების იმედად რჩება.