ეს ფილები დაბა ჩაქვში აღმაშენებლის ქუჩაზე ერთი თვის წინ დაიგო. მოსახლეობა კი, ინფრასტრუქტურული პროექტის ხარვეზებზე უკვე ალაპარაკდა. მიიჩნევენ, რომ მათი საცხოვრებელი კორპუსის სარდაფები, არასწორად შესრულებული სამუშაების გამო დაიტბორა.
მოსახლეობის თქმით წვიმიან დღეებში ბორდიულის გარეშე დარჩენილი ტროტუარიდან წყალი სარდაფებში ჩაედინება. ამიტომაც ხარვეზის გამოსწორება სამშენებლო კომპანიის წარმომადგენლებს სთხოვეს, თუმცა უშედეგოდ. ადგილობრივები თვლიან, რომ კორპუსების ეზოებში, ასევე არასწორადაა დამონტაჟებული წყლის საწრეტი ლუქებიც.
წვიმიან დღეებში იტბორება კორპუსების მიმდებარე ტერიტორიაზე მცხოვრებთა საკარმიდამოც. მოსახლეობა ნარგავებისა და ხე მცენარეების დაზიანებას უჩივის.
ქობულეთის მერიაში კი ამ ეტაპზე პროექტის ხარვეზს გამორიცხავენ. ვარაუდობენ, რომ სარდაფების და ეზოების დატბორვა კორპუსზე დამონაჟებულმა წყლის საწრეტმა მილებმა გამოიწვია. თუმცა მირიან ქათამაძის თქმით შესაბამისის სამსახურები საკითხს შეისწავლიან.
დაბა ჩაქვში აღმაშენებლის ქუჩაზე „ეზოების კეთილმოწყობის“ პროექტის ფარგლებში ინფრასტრუქტურულ სამშაოებს შპს „მონოლითი“ ახორციელებს. პროექტისთვის ქობულეთის მუინიციპალიტეტის მერიას დაახლოებით მილიონი ლარი აქვს გათვალისწინებული.
3
s
s
s