მწვანე კონცხის დასახლებაში, კვიპაროსის ქუჩაზე მცხოვრები ბერიძეების ოჯახი რამდენიემე წელია ავარიულ საცხოვრებელ სახლში ცხოვრობს. როგორც მათ განაცხადეს შენობას ბზარები 2012 წელს მომხდარი მიწისძვრის შემდეგ კიდევ უფრო მოემატა. რის გამო იქ ცხოვრება ყოველდღიურად საშიში ხდება. ოჯახის წევრების თქმით, უამინდობის დროს კედლებზე გაჩენილი ბზარებიდან ოთახებში წვიმის წყალი შემოდის, რის გამოც 5 სულიანი ოჯახი თავს მეზობლებს აფარებს. ოჯახის წევრები ირწმუნებიან, რომ დახმარებისთვის ბათუმის მერიას არაერთხელ მიმართეს, თუმცა უშედეგოდ. თემასთან დაკავშირებით დღეს მერიაში კომენტარი არ გააკეთეს. პირად საუბარში კი განაცხადეს, რომ ბერიძეებს უწყებისთვის არ მიუმართავს, მათივე თქმით მერიას მსგავსი კერძო საცხოვრებელი სახლების სარეაბილიტაციო პროგრამა დღეისათვის არ გააჩნია. ბერიძეების ოჯახი სოციალურად დაუცველია, ოჯახის უფროსი კი ომის ვეტერანი.
7
s
s
s