01, მაისი 2017 17:03:00
მამაკაცების წილი მთელ მოსახლეობაში 0,1 პროცენტით გაიზარდა , ხოლო ქალების წილი 0,2 პროცენტით შემცირდა და 1 936 000 შეადგინა. მონაცემებს სტატისტიკის ეროვნული სამსახური აქვეყნებს. მოსახლეობის რიცხოვნობის სტატისტიკის მიხედვით, წინა წელთან შედარებით საქართველოს მოსახლეობის 47,9 პროცენტი მამაკაცი, ხოლო 52,1 პროცენტი - ქალია. 2017 წლის 1 იანვრის მდგომარეობით, საქართველოს მოსახლეობის რიცხოვნობამ (ოკუპირებულ ტერიტორიებზე მცხოვრები მოსახლეობის გარდა) 3 718,200 ათასი კაცი შეადგინა, რაც წინა წელთან შედარებით 0,1 პროცენტით ნაკლებია. მოსახლეობის რაოდენობის შემცირებაზე გავლენა 2016 წელს დაბალი შობადობის მაჩვენებელმა მოახდინა.