17, იანვარი 2017 11:34:00
ლევან ვარშალომიძეს აჭარის უმაღლესი საბჭოსთვის მანდატის შეწყვეტის მოთხოვნით ამ დრომდე არ მიუმართავს. თუ დეპუტატი სხდომებზე დაუსწრებლობის რეჟიმს კიდევ დიდხანს გააგრძელებს, შესაძლოა მას უფლებამოსილება თავად უმაღლესმა საბჭომ შეუწყვიტოს-ამის შესახებ დღეს იურიდიული კომისიის თავმჯდომარემ განაცხადა. ნინო ჩხეტიას შეფასებით, როცა უმაღლესი საბჭოს წევრი ხანგრძლივი პერიოდის განმავლობაში მასზე დაკისრებულ უფლებამოსილებას არ ასრულებს, ისინი ამომრჩევლის წინაშე ვალდებულნი არიან ამ ყველაფერზე ჰქონდეთ სათანადო პასუხი. ჩხეტიას თქმით, თვის ბოლოს ხელფასის დაქვითვის ფორმით პასუხი გაეცემა არასაპატიო მიზეზით სხდომების გამცდენ დეპუტატებსაც. რაც შეეხება თავად ვარშალომიძის გადაწყვეტილებას. მისი თანაგუნდელები ამბობენ, რომ იგი საკანონმდებლო ორგანოს უფლებამოსილების შეწყვეტის მოთხოვნით ყრილობის შემდეგ მიმართავს.