კვლავ მოუწესრიგებელი და ატალახებული გზა სოფელ მახვილაურში. არსებულ პრობლემას ბეტონის საწარმოს ნარჩენებიც ემატება. კიდევ რა სახის პრობლემებზე საუბრობენ ადგილობრივები? და რა პასუხი აქვთ ბათუმის მერიის ინფრასტრუქტურის სამსახურში?
მოუწესრიგებელი გზა მახვილაურში, კოწია ერისთავის ქუჩაზე მცხოვრებლებისთვის წლებია მოუგვარებელი პრობლემაა. უხვი ნალექის დროს ადგილობრივებისთვის რეზინის ჩექმა საუკეთესო გამოსავალია. ისედაც ტალახიან გზას აქ ბეტონის საწარმოს ნარჩენებიც ემატება. სპეციფიური მტვერის გამო ფეხით სიარული მშრალ ამინდშიც გაუსაძლისია.
მოსახლეობის თქმით, ატალახებული ეზოს გამო ხშირად ბავშვები სკოლაში ჭუჭყიანი ტანსაცმლით მიდიან. იმის გამო, რომ გზა ავარიულია, ადგილზე მისვლისგან ხშირად თავს იკავებენ სასწრაფო სამედიცინო დახმარების, ასევე კერძო ტაქსის მძღოლები.
კოწია ერისთავის ქუჩაზე მცხოვრებლებისთვის არც ქუჩის გარე განათებაა მოწყობილი და არც საყოფაცხოვრებო ნარჩენისთვის დგას სანაგვე ურნები.
იმის, გამო, რომ ქუჩაზე ინფრასტრუქტურა გაუმართავაია, კომპანიებს, რომლებიც აქ სამშენებლო მასალებს აწარმოებენ, ბათუმის მერია ერთგვარ შეღავათს უწევს და დაბინძურებისთვის სანქციას არ აკისრებს - ეს ზეპირი პასუხი ბათუმის მუნიციპალური ინსპექციის ზედამხედველობის სამსახურს ეკუთვნის.
ბათუმის მერიის ინფრასტრუქტურის სამსახურში თემასთან დაკავშირებით კომენტარი არ გააკეთეს.
4
s
s
s