24, მაისი 2017 20:08:00
„ნაციონალურ მოძრაობაში“ მთავრობის ახალი სსიპის ,,ინფორმაციული ტექნოლოგიების სამსახურის“ შექმნას სუსის ინტერესების გატარებად აფასებენ. გია აბულაძის ინფორმაციით, აღნიშნულმა სამსახურმა საჯარო მოხელეთა პირადი მიმოწერები უნდა აკონტროლოს, მისივე მტკიცებით, სსიპი ქართული ოცნების შტაბის დაქვემდებარებაში იქნება. „ნაციონალური მოძრაობა“ მთავრობას აღნიშნული გადაწყვეტილების გაუქმებისკენ მოუწოდებს და აუდიტის სამსახურს სთხოვს შეისწავლოს რამდენად საჭიროა აღნიშნული მიმართულებით საბიუჯეტო თანხების დახარჯვა. აჭარის მთავრობაში ოპონენტების განცხადებას აბსურდულს უწოდებენ, მთავრობის თავმჯდომარის მრჩევლის განმარტებით, ახალი სამსახურის შექმნა დამატებითი ხარჯების გამოყოფას არ საჭიროებს.