16, ივლისი 2020 19:37:00
ბათუმის არჩეული მერი გადადგა. ლაშა კომახიძემ დღეს მიზეზები მედიით განმარტა, თუმცა კონკრეტული ვერაფერი თქვა. უკვე ყოფილა ხელმძღვანელმა გადაწყვეტილება გუნდის ინტერესებით ახსნა და განაცხადა, რომ ქალაქისთვის ასე უკეთესია. დაწყებული და ბოლომდე ვერ მიყვანილი პროექტები, გაცემული დაპირებები და პასუხგაუცემელი კითხვები- ვის არ არწყობდა კომახიძე მერად და უკავშირდება თუ არა ეს ყველაფერი მთავრობის თავმჯდომარესთან კონფლიქტს? რა ბედი ელის თამაშ გარე დარჩენილი მერს ?
ფეხი პოლიტიკურად ვინ დაუდო ამას ღიად ვერ ამბობს, ჯერ კიდევ იმედი აქვს, რომ სიაში ჩასვამენ. ლაშა კომახიძემ თანამდებობა ისე დატოვა, რომ გადაწყვეტილების მოტივი საზოგადოებას მკაფიოდ არ აუხსნა. ის დღეს, ჟურნალისტების შეკითხვებს დაახლოებით 20 წუთის განმავლობაში ზედაპირულად პასუხობდა. არ დააკონკრეტა ვინ აიძულა, თუმცა აღნიშნა, რომ სხვაგვარი გადაწყვეტილება ქალაქისთვის დამაზიანებელი იქნებოდა.
TV 25 ინფორმაციით, ლაშა კომახიძე ამ თანამდებობაზე ყველაზ მეტად აჭარის მთავრობის თავჯდომარეს არ აწყობდა.
ხალხის მიერ არჩეულმა მერმა ანგარიში მხოლოდ „ქართულ ოცნებას“ გაუწია და თანაგუნდელების დირექტივა შეასრულა. ის, რისი გაკეთებაც ვერ მოასწრო და დაპირებების ვრცელი ჩამონათვალი ბოლომდე არ მიუყვანია არჩილ ჩიქოვანს გადააბარა. არ თქვა ვინ აიძულა ჩიქოვანის დანიშვნა, თუმცა ადვილად სავარაუდოა, რომ მითითება თორნიკე რიჟვაძისგან მიიღო, ეს უკანასკნელი არჩილ ჩიქოვანის მეჯვარეა.
როგორც ირკვევა, ბათუმის უკვე ყოფილ მერს მმართველმა გუნდმა არც სხვა თანამდებობა შესთავაზა და იგი თამაშ გარეთ დატოვეს.
გაიზიარებს თუ არა ლაშა კომახიძე წინამორბედის გიორგი ერმაკოვის ბედს - TV 25-ის ინფორმაციით, იმ შემთხვევაში თუ კომახიძე თანამდებობას არ დატოვებდა მმართველი გუნდი დაპატიმრებით ემუქრებოდა. ამ თემაზე მან დღეს ჟურნალისტების კითხვას არ უპასუხა.