კომახიძის მემკვიდრეობა ახალ ვიცე-მერს. გადათხრილი ბათუმი, სადაც ინფრასტრუქტურული პროექტები დასასრულს ვერა და ვერ მიუახლოვდა. სამუშაოები ქალაქში საცობებს იწვევს და ადგილობრივსა თუ დამთვალიერებელს დისკომფორტს უქმნის. საქმე იმაშია, რომ ერთდროულად რამდენიმე ქუჩაა რეაბილიტაციის პროცესში , რაც მტვერს, ტალახს და უსიამოვნო სუნს იწვევს.
ათობით გადათხრილი ცენტრალური ქუჩა ბათუმში და დისკომფორტი, რომელსაც ქალაქელები თუ სტუმრები თავს ვერ აღწევენ. შეზღუდული მოძრაობა რუსთავეზლე, ჯავახიშვილზე, აღმაშენებელზე, ლეონიძეზე, გენერალ აბაშიძეზე და სხვა. დაპირებით, რომ სამუშაოები ოპერატიულად დასრულდება, ადგილობრივები ხმაურში, მტვერსა თუ სუნში უკვე თვეებია ცხოვრობენ. ერთდროულად გადათხრილი და გადაკეტილი ცენტრალური ქუჩები განსაკუთრებულ აღშფოთებას მძღოლებში იწვევს. დისკომფორტზე საუბრობენ ქვეითებიც.
ცენტრალურ ქუჩებთან ერთად, გადათხრილი და მოძრაობა შეფერხებულია ქალაქის ბევრ გარეუბანში. მძღოლები ამბობენ, რომ სარემონტო პუნქტებიდან ფაქტიუარდ ვერ გამოდიან.
თითქმის ერთი წელია ჩაკეტილია კობალაძისა და ჯავახიშვილის ქუჩები. დისკომფორტზე, ადგილობრივებთან ერთად, დამსვენებლებიც საუბრობენ.
თითქმის პარალიზებული ქუჩების გამო, მძღოლები, მათ შორის საზოგადოებრივი ტარნსპორტი მოძრაობას ალტერნატიული გზებით ცდილობენ, თუმცა ვიწრო ქუჩებზე განსაკუთრებით გაიზარდა საცობები. დაგვიანებების გამო, ხშირად ყავთ განაწყენებული მომხმარებლები ტაქსის მძღოლებს.
მიუხედავად იმისა, საქართველოს მთავრობის მოწოდება იყო, ინფრატსრუქტურული სამუშაოები საგანგებო მდგომარეობის დროს არ შეჩერებულიყო, ბათუმის მერია პროცესის გაჭიანურებას მაინც „კოვიდ 19“-ის პანდემიას უკავშირებს. პასუხი წერილობით მოგვაწოდეს, სადაც აღნიშნულია, რომ იმ ქუჩებზე, სადაც კეთილმოწყობითი სამუშაოები მიმდინარეობს, პროცესები ეტაპობრივად, ოქტომბრის ბოლოს დასრულდება. მერიის ინფორმაციით, ამ დროისთვის, საერთო ჯამში, 2 ათასზე მეტი მრავალბინიანი თუ კერძო საცხოვრებელი სახლი, ძველი ქსელიდან წყალარინების ახალ სისტემაში ჩაერთვება.
2
s
s
s