არჩილ მამულაძე „პატრიოტთა ალიანსს“ ტოვებს. უფლებამოსილების გაგრძელებას იგი ბათუმის საკრებულოში დამოუკიდებელი მანდატით გეგმავს. გადაწყვეტილება ბათუმის საკრებულოს სხდომაზე გაახმოვანა, რომელსაც ნინია მესხიძე დაესწრო. რა საკითხები განიხილეს დეპუტატებმა ? ჩვენი სიუჟეტიდან გაიგებთ
რასაც ერთი თვის განმავლობაში გეგმავდა, საბოლოო გადაწყვეტილება ახლახანს მიიღო. არჩილ მამულაძე „პატრიოტთა ალიანსს“ ტოვებს. წასვლის მიზეზი პარტიის წინასაარჩევნო კამპანიის პოლიტიკას დაუკავშირა. ამბობს, რომ იმგვარი შინაარსი ბანერების განთავსება, როგორითაც „პატრიოტთა ალიანსი“ ამომრჩევლების გულის მოგებას ცდილობს, მხოლოდ აღვირახსნილი ქმედებაა.
მამულაძე, ბათუმის საკრებულოში, სავარაუდოდ დამოუკიდებელი მანდატით ისაგებლებს. წარმომადგენლობით ორგანოს, მისი განცხადება, ცნობად ჯერ არ მიუღიათ, თუმცა კოლეგებმა ოპოზიციიდან გადაწყვეტილება მოუწონეს.
ვიდრე დღის წესრიგით გათვალისწინებული საკითხების განხილვას დაიწყებდნენ, „ნაციონალურმა მოძრაობამ“ მერის მოვალეობის შემსრულებელი კოვიდ 19-თან ბრძოლისთვის კიდევ ერთხელ გააკრიტიკა. ლევან ანთაძემ განაცხადა, რომ მერიამ თავყრილობების თავიდან აცილების მიზნით, ხალხმრავალი ღონისძიებები არ გააუქმა. ბრალდება არჩილ ჩიქოვანმა არ მიიღო.
რაც შეეხება განსახილველ საკითხებს, საკრებულომ, წინასაარჩევნო კამპანიის ფარგლებში, სააგატაციო მასალების განთავსების წესზე იმსჯელა. განსაზღვრეს ადგილებიც, სადაც პლაკატების გაკვრა იქნება ნებადართული.
დღეს მიღებული გადაწყვეტილებით, გამოიყო ტერიტორია, კერძოდ საზაფხულო თეატრის შენობა, სადაც პოლიტიკურ სუბიექტებს, შეხვედრების გამართვის უფლებაც ექნება.
7
s
s
s