გარდაუვალი მეორე ტური და ოპოზიცია, რომელიც მონაწილეობის მიღებას არ აპირებს. ხელისუფლების ოპონენტები არც პირველ ტურში მიღებული მანდატების ჩაბარებას გეგმავენ. საპარლამენტო არჩევნების უპრეცედენტო შედეგები. სუბიექტები, რომლებიც კენჭისყრის შედეგებს ლეგიტიმურად არ სცნობენ. გაცხადებული უარი ტოტალურ გაყალბებას. ყველა ერთის წინააღმდეგ. რა შეიძლება მოიტანოს ოპოზიციის ერთსულოვნებამ, ია გოლიაძის სიუჟეტში ვნახოთ.
უარი უმაღლეს საბჭოში მოპოვებულ მანდატებსა და მეორე ტურში მონაწილეობაზე - ერთიანმა ნაციონალურმა მოძრაობამ გადაწყვეტილება გაახმოვანა. სპეციალურად გამართულ ბრიფინგზე ოპოზიციის წარმომადგენლები იმის სათქმელად შეიკრიბნენ, რომ ბრძოლას ერთად აგრძელებენ.
რეგიონის წარმომადგნელობით ორგანოში შესვლაზე უარი თქვა მედეა ვასაძემ. „ემსახურე საქართველოს“ ერთ ერთი ლიდერი ამას იმით ხსნის,რომ არჩევნების შედეგი ამომრჩევლის ნებას არ ასახავს.
ამომრჩეველთა კონსტიტუციური ნების დასაცავად გაერთიანებული ოპოზიცია ხვალ, 17 საათზე საპროტესტო აქციას აანონსებს.
მანდატების დათმობა სწორი ნაბიჯი ჰგონია პარტიას „ლელო საქართველოსთვის“ . ალექსანდრე მილორავა ამბობს, რომ ბრძოლას თავადაც უერთდებიან და პარლამეტში შესვლას არ აპირებენ. იგივე პოზიცია აქვთ პარტიებში „ალეკო ელისაშვილი მოქალაქე“ და „ევროპული საქართველო“.
აჭარის უმაღლეს საბჭოში „გაერთიანებული ოპოზიციიდან“ ელგუჯა ბაგრატიონი, გიორგი კირთაძე, გია აბულაძე, მედეა ვასაძე, ლევან ანთაძე, ირაკლი ჩავლეიშვილი, ასმათ დიასამიძე , დავით კონცელიძე და მამუკა ჯევაიში მოხვდნენ.
9
s
s
s