აჭარის უმაღლესი საბჭოს პირველი სხდომა სავარაუდოდ, 15 დეკემბერს გაიმართება. ხელისუფლების ოპონენტები კვლავ, ბოიკოტის რეჟიმში რჩებიან და მანდატებზე უარს ამბობენ. მათ სამუშაო კაბინეტები უკვე დატოვეს. უმაღლეს საბჭოში რჩება, თუმცა მუშაობას ახალი კაბინეტიდან გააგრძელებს ახალი მოწვევის რამდენიმე წევრი.
ელგუჯა ბაგრატიონი ერთ-ერთია იმ ოპოზიციონერ დეპუტატებს შორის, რომელიც აჭარის უმაღლეს საბჭოში შესვლაზე უარს აცხადებს. პირადი ნივთები სამუშაო კაბინეტიდან რამდენიმე კვირის წინ წაიღო, რადგან იცოდა, რომ მიღებულ გადაწყვეტილებას არ შეცვლიდა და ბოიკოტის რეჟიმში დარჩებოდა. გამარჯვებული, თუმცა მაინც უკვე ყოფილი დეპუტატი, განვლილ 4 წელს ასე აფასებს და ამბობს, რომ ეს რეგიონის გაღარიბების პერიოდი იყო.
უმაღლეს საბჭოში ისევ ვიხილავთ, თუმცა ჯერჯერობით უცნობია ექნება თუ არა საკუთარი კაბინეტი "ქართული ოცნებიდან" ილია ვერძაძეს. ფრაქცია, რომელსაც ხელმძღვანელობდა, დაიშალა. ახლა იგი პირველი სხდომის მოლოდინშია.
2004 წლის შემდეგ, პირველად ემშვიდობა საკანონმდებლო ორგანოს პეტრე ზამბახიძე, რომელიც ჯერ "ნაციონალურ მოძრაობას", ბოლო პერიოდში კი "ევროპულ საქართველოს" წარმოადგენდა. თან, გაყალბებულ არჩევნებზე გულისტკივილი მიაქვს.
ვისთვის გაყალბებული თუ ვისთვის სამართლიანი არჩევნების შედეგების მიხედვით, სამუშაო კაბინეტი დატოვა გია აბულაძემ, ასმათ დიასამიძემ, გიორგი დიასამიძემ, მერაბ ბლადაძემ, ნინო ჩხეტიამ, ვახტანგ წულაძემ, გიორგი რომანაძემ, ხვიჩა შარაშიძემ, ნუგზარ სურმანიძემ, მერაბ კარანაძემ და გიორგი ცინცქილაძემ.
20
s
s
s