ბულვარის დამცველები საპროტესტო აქციებს განაგრძობენ. მესამე სექტორის წარმომადგენლები, სამოქალაქო აქტივისტები და ბათუმელები ამბასადორი ბათუმის მშენებელობას კვლავ ეწინააღმდეგებიან. ზღვისპირა პარკში მორიგი აქცია დღეს ხმაურის ფონზე მიმდინარეობდა. პასუხებს კვლავ მთავრობის მეთაურისა და ბათუმის დანიშნული მერისგან ითხოვენ
„ამბასადორი ბათუმის“ მშენებლობაზე ნაბართვის გაცემა დღეს კიდევ ერთხელ ხმაურის ფონზე გააპროტესტეს სამოქალაქო აქტივისტებმა. ბათუმელები მშენებლობასთან შეიკრიბნენ და სამუშაოების შეჩერება კიდევ ერთხელ მოითხოვეს.
აქციის მსვლელობისას, მოქალაქეებსა და პოლიციას შორის დაპირისპირებაც მოხდა. აქტივისტები მოიტხოვდნენ, გამოხატვის თავისუფლებაში ხელი არ შეეშალათ.
აქციის მონაწილეებს, კომპლექსის მშენებლობასთან დაკავშირებით, ბათუმის დანიშნული მერის მოვალეობის შემსრულებლის და აჭარის მთავრობის თავმჯდომარის პოზიცია აინტერესებდათ. ამბობენ, რომ პერმანენტული აქციები მანამდე არ დასრულდება, ვიდრე მშენებლობას საბოლოოდ არ შეაჩერებენ.
ვიდრე ხმაური დაიწყებოდა მოქალაქეებმა ძველ ბულვარში ბანერი გამოფინეს წარწერით- "არ დავთმობთ ბულვარს". აქციის მონაწილეებმა "ბულვარის გადასარჩენად" შემუშავებული პეტიციაც გამოფინეს. მას ხელს 5 ათასზე მეტი მოქალაქე აწერს.
ბათუმის ბულვარში 16 სართულიანი სასტუმროს მშენებლობაზე ნებართვა, 21 იანვარს, კულტურული მემკვიდრეობის დაცვის სააგენტოს ხელმძღვანელმა, ზაურ ახვლედიანმა გასცა.
1
s
s
s