ნიკა მელიას დაკავების გადადებამ, კიდევ ერთი საფუძველი მისცა "ნაციონალურ მოძრაობას", განაცხადოს, რომ "ქართულ ოცნებაში"არეულობა და აზრთა სხვდასხვაობაა. რეზო ხარაზი ამბობს, რომ შინაგან საქმეთა სამინისტროს გადაწყვეტილებამ, თვალსაჩინო გახადა ფაქტი, რომ პროკურატურის მოთხოვნა სასამართლომ დამოუკიდებლად არ დააკმაყოფილა.
პარტიაში "ლელო საქართველოსთვის“ ამბობენ, რომ ნიკა მელიას დაკავება მმართველმა ძალამ ვერ შეძლო, რადგან ე.წ. გავრილოვის ღამეს, მელიას ბრალეულობა ვერ გამოკვეთა და პროცესებიც ამ დრომდე სწორედ ამიტომ გაწელა. მიუხედავად ამ შეფასებისა, პარტიაში აქვთ განცდა, რომ სამართლდამცავი უწყება, მაინც ნიკა მელიას მარტო დარჩენას ელოდება.
პროცესები არის ოცნების პოლიტიკის ლოგიკური შედეგი, აცხადებს "ვროპული საქართველოდან" ვახტანგ კალოიანი. ამბობს, რომ არეულობა ჯერ მიკერძოებულმა სასამართლომ, შემდეგ კი მელიას დაკავების გადადების გადაწყვეტილებამ გამოიწვია.
აჭარაში, "ქართული ოცნება" მიმდინარე პროცესების შეფასებისგან თავს იკავებს. ზაალ მიქელაძე ერთადერთი აღმოჩნდა, ვინც სატელეფონო კომენტარზე მაინც დაგვთანხმდა. ქობულეთის მაჟორიტარი დეპუტატი საქართველოს პარლამენტში, ანალიზს მთლიანად საზოგადოებს ანდობს.
"ერთიანი ნაციონალური მოძრაობის"თავმჯდომარის დაკავების გადაწყვეტილება, მოსამართლემ,გუშინ, თითქმის ექვს საათიანი პროცესის შემდეგ მიიღო. დღეს კი შინაგან საქამეთა სამინისტრომ გაავრცელა განცხადება, რომ ნიკანორ მელიას საქმეზე დაგეგმილი ღონისძიება დროებით გადაიდო. გადაწყვეტილებას წინ, პრემიერის გადადგომა უძღოდა.
7
s
s
s