გიორგი გახარიამ პოლიტიკური კარიერა 2013 წლის მარტიდან დაიწყო, როცა საქართველოს ბიზნესომბუდსმენი გახდა. თანამდებობას 3 წლის განმავლობაში იკავებდა. ამის შემდგომ, 2016 წელს, ყოფილი პრემიერი, საქართველოს ეკონომიკისა და მდგრადი განვითარების მინისტრად დაინიშნა. 2017 წლის 13 ნოემბრიდან კი, გახარია შინაგან საქმეთა სამინისტროს ხელმძღვანელობდა. იყო ვიცე-პრემიერიც. შემდეგ უკვე ეროვნული უსაფრთხოების საბჭოს მდივანი და ბოლოს, საქართველოს პრემიერ-მინისტრი. თანამდებობას იგი 2019 წლის 8 სექტემბერიდან იკავებდა. მის პრემიერობას წინ, 20 ივნისის აქციის დარბევა უძღოდა, რის შედეგადაც, აქტივისტები, 3 თვის განმავლობაში პერმანენტული საპროტესტო აქციებით გახარიას თანამდებობიდან გადადგომას მოითხოვდნენ. და მაინც, რით დაგვამასხოვრა თავი მთავრობის ყოფილმა მეთაურმა 529 დღიანი მმართველობით? ვნახოთ რეპორტაჟი.
ეს განცხადება პარლამენტის ტრიბუნიდან, გახარიამ ჯერ კიდევ პრემიერობის კანდიდატის სტატუსით, 2019 წლის 6 სეტემბერს გააკეთა. ვინ ვინ დაასრულა ამას უკეთეს პასუხს ალბათ ოპოზია გასცემდა, თუმცა დღეს რომ პოლიტიკური მოვლენების კულისებს მიღმა აღმოჩნდა, ფაქტია.
ფინალური სერია გუშინ იყო. 1 წლისა და 5 თვის თავზე თანამდებობა დატოვა და გადაწყვეტილება ნიკა მელიასთან დაკავშირებით, გუნდში არსებული დაპირისპირებით ახსნა. არადა ეჭვი არავის ეპარება, რომ ოლიგარქის პოლიტიკიდან წასვლის შემდეგ „ქართულ ოცნებაში“ განხეთქილება და დაძაბულობაა. კალაძის, კობახიძის, თალაკვაძის და უკვე ყოფილი პრემიერის კლანებს შორის ძალთა გადანაწილებაზე ომია. ამის მიუხედავად, გახარიას პოსტიდან წასვლას დღეს არავინ პროგნოზირებდა.
რითი დაგვამახსოვრა თავი 529 დღის განმავლობაში მთავრობის ყოფილმა მეთაურმა? პირველი ალბათ, მასთან კავშირში რაც გახსენდებათ, 20 ივნისის ღამე და მაკო გომურის სახელ-გვარია. ახლადდანიშნულმა გიორგი ზაურის ძე გახარიამ მაშინ კიდევ ერთი სახელი „დაირქვა“. გახმაურებული მოვლენების ფონზე ხალხმა მას „თვალთხარია“ უწოდა. პარლამენტის წინ მიმდინარე მასშტაბურ აქციებზე მისი სახელ გვარი პრემიერობამდე შინაგან საქმეთა მინისტრის სტატუტითაც ფიგურირებდა. სწორედ მაშინ, საჯაროდ, ხმამაღლა ბოდიშის მოხდა რამდენჯერმე მოუხდა.
გახარიას ბოდიშს ხალხმა ტაში დაუკრა. ნელ-ნელა ახალი პრემიერი საზოგადოებამ კიდევ უფრო შეიყვარა. რის გამო? რომ იკითხოთ, შესაძლოა დამაკმაყოფილები პასუხი ვერ მიიღოთ, თუმცა ფაქტია, რომ რთულია მასზე ცუდის მთქმელის პოვნა.
გავრილოვის ღამის და აქციების ტალღის შესუსტების მერე იყო 2020 წელი და კოვიდ-19. საკუთარ თავში დარწმუნებულმა, თავდაჯერებულმა გახარიამ კოვიდ 19-ის მართვა საკუთარ თავზე აიღო და ჩაიბარა და ხალხს რომ ჰკითხოთ, არაჩვეულებრივად მოახერხა კიდეც. მიუხედავად იმისა, რომ ოპოზიცია და მესამე სექტორი მის მიერ მიღებულ გადაწყვეტილებებს ძირითადად იწუნებდა, სოციალურ ქსელს რომ გადახედოთ, დარწმუნდებით, რომ გიორგი გახარიაზე ბევრია შეყვარებული, მგონი ყოფილმა პრემიერმა ფანების რაოდენობით კახი კალაძესაც გადააჭარბა. აი ერთ ერთი მათგანიც:
ტაშს ყოფილ პრემიერს არააკადემიურ სტილში საუბრისთვისაც უკრავდნენ. პარლამენტში თანაგუნდელები.
ყოფილ პრემიერს უმღერეს კიდეც. უმღერეს გულით.
ხალხის თვალში დიდებული ლიდერი და პრემიერი ვაჟკაცი ყველას ალბათ, ამ მოძრაობით კიდევ დიდხანს გვემახსოვრება.