„რაც შენდება, მიუღებელია“- ამ სიტყვებით, თეა წულუკიანი ბათუმის ბულვარში მიმდინარე 16 სართულიანი სასტუმროს მშენებლობას აფასებს. საქართველოს პარლამენტის წევრი, ალეკო ელისაშვილის განცხადებას გამოეხმაურა და აღნიშნა, რომ „ამბასადორი ბათუმის“ მშენებლობა არ მოსწონს. ყოფილი იუსტიციის მინისტრის განმარტებით, მრავალფუნქციური კომპლექსის აშენების თემაზე საუბარი, აჭარის მთავრობის თავმჯდომარესთანაც ჰქონდა.
ასე გამოეხმაურა პარტია მოქალაქეების ლიდერი, ბათუმის ბულვარში მიმდინარე 16 სართულიანი სასტუმროს მშენებლობას პროცესს. ალეკო ელისაშვილმა, პარლამენტის თავმჯდომარეს მოუწოდა, შეხვდეს ბათუმელებს, რომლებიც „ამსადორის“ მშენებლობას უკვე სამი თვეა, უშედეგოდ ეწინააღდეგებიან.
აჭარის მთავრობის თავმჯდომარის „მექრთამედ“ მოხსენიება მიუღებელი აღმოჩნდა თეა წულუკიანისთვის, თუმცა ელისაშვილის პოზიცია ნაწილობრივ გაიზიარა. თქვა, რომ „ბულვარში რაც შენდება, მისთვის მიუღებელია და ამ თემაზე საუბარი თორნიკე რიჟვაძესთანაც ჰქონდა.
„ამბასადორი ბათუმის“ მშენებლობის საკითხს ხვალ, აჭარის განათლების სამინისტროში განიხილავენ. სწორედ, ამას გამოეხმაურა დღეს, „ევროპული საქართველოს“ წევრიც. არმაზ ახვლედიანს მიაჩნია, რომ შეხვედრა მედიისა და ყველა დაინტერესებული პირისთვის საჯარო უნდა იყოს.
არაერთი საპროტესტო აქციის მიუხედავად, 16 სართულიანი სასტუმროს მშენებლობა მაინც გრძელდება. ბათუმის ბულვარში, მრავალფუნქციური კომპლექსის აშენებაზე ნებართვა, მის დაცვაზე პასუხისმგებელმა ორგანიზაციამ გასცა. ბრძანებას, ხელი, აჭარის კულტურული მემკვიდრეობის დაცვის სააგენტოს ხელმძღვანელმა, ზაურ ახვლედიანმა მოაწერა.
7
s
s
s