შარლ მიშელი საქართველოში ისევ ჩამოდის, მოლაპარაკებები დასასრულს უახლოვდება. ოპოზიციის ნაწილმა პარლამენტში სავარძლები უკვე მოირგო, ნაწილი კი კვლავ ფიქრობს. შევიდნენ უნდა თუ არა ხელისუფლების ოპონენტები საკანონდმებლო ორგანოში? - რას ფიქრობს ხალხი? მაცნემ მოქალაქეები გამოკითხა
ქვეყანაში მიმდინარე პოლიტიკურ მოვლენებზე საუბარს თითქმის ყველგან მოისმენთ: ქუჩაში, საზოგადოებრივი თავშეყრის ადგილებსა თუ მაღაზიებში. უნდა შევიდეს თუ არა ოპოზიცია პარლამენტში? მოქალაქეების აზრი ორად გაიყო. საბოლოო ჯამში კი, აღმოჩნდა, რომ ადგილობრივთა უმეტესობას, სურს, ხელისფულები ოპონენტები საკანონმდებლო ორგანოში იხილონ.
შემთხვევით შერჩევის პრინციპით გამოკითხული მოქალაქეები ამბობენ, რომ ერთადერთი, რაც საქართველოს პოლიტიკური კრიზისიდან გამოიყვანს, 5 პუნქტიან დოკუმენტზე ხელმოწერაა. ფიქრობენ, რომ დროა, მხარეებმა საერთო შეთანხმებას მიაღწიონ, რადგან სასწორზე ქვეყნის მომავალი დგას.
უფრო მეტიც, ბათუმელები, ოპოზიციას ავალდებულებენ, მათ მიერ გაკეთებულ არჩევანს პატივი სცენ და მანდატებზე უარი არ თქვან.
გამოკითხულ რესპოდენტთა შორის არიან ისეთებიც, რომლებიც ფიქრობენ, რომ ოპოზიცია კვლავ ბოიკოტის რეჟიმში უნდა დარჩეს. რატომ? არგუმენტებზე საუბარი უჭირთ.
მართალია, მთელი ყურადღება ახლა ოპოზიციისკენაა მიმართული, თუმცა საბოლოო სიტყვა მაინც მმართველმა გუნდს ეკუთვნის. ამ დროისთვის, შარლ მიშელის მიერ დატოვებულ დოკუმენტზე, ხელი ოპონენტთა ნაწილს აქვს მოწერილი. საბოლოო გადაწყვეტილება ამ დრომდე არც ყველაზე დიდ ოპოზიციურ პარტიას - „ერთიან ნაციონალურ მოძრაობას“ მიუღია.
39
s
s
s