18, ივლისი 2017 14:03:00
აჭარის ჯანდავის სამინისტროსა და რეგიონში არსებულ ქალთა ოთახებს შორის დღეს ურთიერთთანამშრომლობის მემორანდუმი გაფორმდა. დოკუმენტის მიზანი მხარეებს შორის საზოგადოებაზე ორიენტირებულ გეგმებსა და საქმიანობაზე ინფორმაციის გაცვლა და სხვადასხვა სოციალურ პროგრამებში მოსახლეობის ჩართულობის გაზრდაა. მემორანდუმის თანახმად, ქალთა ოთახები უზრუნველყოფენ დაინტერესებული პირების ინფორმირებას სამინისტროს მიერ განხორციელებული პროგრამების შესახებ, ასევე ისინი მოსახლეობაში გამოვლენილი პრობლემებთან დაკავშირებით, ინფორმაციას ჯანდაცვის სამინისტროს მიაწვდიან. სულ აჭარაში ექვსი ,,ქალთა ოთახი“ ფუნქციონირებს. საინფორმაციო-საკონსულტაციო სერვისი პირველად 2015 წელს გაიხსნა.