„ტოლერანტობისა და მრავალფეროვნების ინსტიტუტი“ ბათუმის სახელმწიფო უნივერსიტეტის მხრიდან ინდოელი სტუდენტების დისკრიმინაციაზე საუბრობს. ორგანიზაციაში მიაჩნიათ, რომ ბსუ-მ უნდა გადახედოს თავის გადაწყვეტილებას, რომლის მიხედვითაც უცხოელ სტუდენტებს დისტანციურ სასწავლო პროცესს სთავაზობენ, თუმცა, აკადემიურ რეგისტრაციას ადგილზე სთხოვენ, წინააღმდეგ შემთხვევაში კი სტატუსს უჩერებენ. ორგანიზაციაში ამბობენ, რომ საგანმანათლებლო დაწესებულებამ დაუსაბუთებელი გადაწყვეტილება მიიღო და უცხოელ სტუდენტებს რეგისტრაციის ონლაინგავლის შესაძლებლობა არ მისცა. ბათუმის სახელწიფო უნივერსიტეტის რექტორი კი ამტკიცებს, რომ სტატუსის შეჩერების შესახებ ბრძანება არ გაცემულა. მერაბ ხალვაშის თქმით, დაიწყო მხოლოდ საქმისწარმოება, რისი მიზანიც სტუდენტების ადგილსამყოფელის შესახებ დეტალების დაზუსტება იყო.
13
s
s
s