ცეკვა, გართობა და ხმამაღალი მუსიკა კომენდანტის საათის დროს. გუშინ, ერთ-ერთმა, კარაოკე კლუბმა კარი ცნობილი ინფლუენსერებისთვის გააღო. ღონისძიება დაახლოებით ღამის ორ საათამდე გრძელდებოდა. შესაბამისი ვიდეო მასალები, ინტერნეტ სივრცეში გავრცელდა. „TV25” – ის ინფორმაციით, დაწესებულებაც და იქ მყოფი სტუმრებიც, მოქალაქის შეტყობინების საფუძველძე დაჯარიმდნენ. რატომ ვერ ამჩნევს, შინაგან საქმეთა სამინისტო, თავად, სამართალდარღვევებს და რატომ ვერ ახორციელებენ შესაბამის კონტროლს. ჩვენი სიუჟეტიდან გაიგებთ.
ეს ფეისბუქ პოსტები კარაოკე კლუბ „მარიო“-ს საკმაოდ ძვირი დაუჯდა. 00 საათი და 23 წუთი, ამ დროს ქვეყნის მასშტაბით, გადაადგილებაზე დაწესებული შეზღუდვა, უკვე, საათი და 23 წუთის ამოქმედებულია. თუმცა, როგორც ჩანს, დაწესებულება სტუმრების მიღებას არ წყვეტს და მუშაობას აგრძელებს.
შესაბამისი ვიდეო მასალა, სოციალურ ქსელში საჯაროდ ვრცელდება. მუშაობა და ხმამაღალი მუსიკა, დაახლოებით ღამის ორ საათამდე გრძელდება. სანდო წყაროს ინფორმაციით, მოქალაქის შეტყობინების საფუძველზე, კარაოკე და იქ მყოფი სტუმრები დაჯარიმდნენ, თუმცა, რატომ ვერ შეამჩნია შინაგან საქმეთა სამინისტრომ სამართალდარღვევა, შეტყობინებამდე, უცნობია.
ვიდეოების, მტკიცებულებებისა და დადასტურებული ინფორმაციის მიუხედავად, კლუბის მენეჯერი თავდაპირველად გვიმტკიცებდა, რომ სამართალს არ არღვევენ და კომენდანტის საათის დროს არ მუშაობენ. მალევე პასუხი შეცვალა და გვიპასუხა, რომ ინტერნეტ სივრცის ცნობილ ინფუელნსერებს და მის მეგობრებს მასპინძლობდნენ, რომლებიც მათ სასტუროში ისევენებენ. თუმცა, კომენდანტის საათის დროს რესტორანს მაინც აქვს მუშობის უფლება. დაჯარიმების ფაქტი უარყო, მაგრამ, დაგვიდასტურა, რომ ადგილზე გომეულაურის უწყება იმყოფებოდა და პოლიციაშიც დაიბარეს.
შერჩევითი სამართალი და უგულებელყოფილი კოვიდრეგულაციები. ამ და მსგავს ფაქტებზე მოქალაქეები უკმაყოფილებას გამოხატავენ. ამბობენ, რომ თუ კი მათ, ღამის თერთმეტი საათის შემდეგ სახლში უწევთ ყოფნა, რატომ ვერ ამჩნევს, გომელაურის უწყება იმას, რასაც თავად ყოველდღიურად ხედავენ.
კომენდანტის საათი დააწესეს, თუმცა ვერ აკონტროლებენ- ასე აფასებენ არსებულ სიტუაციას ოპოზიციაში. ლევან ანთაძე ფიქრობს, რომ შემოღებული რეგულაცია არაფრის მომცემია.
ეს პირველი შემთხვევა არაა. ჩვენი ინფორმაციით, კომენდანტის საათის მოქმედების დროს. მალულად, კიდევ რამდენიმე რესტორანი მუშაობს. ამჩნევს თუ არა შინაგან საქმეთა სამინისტრო ამას სადაოა, თუმცა, ფაქტია, რომ ხშირ შემთხვევაში, იმ დარღვევებზე, რომლებსაც რიგითი მოქალაქეები მარტივად ამჩნევენ, სამართალდამცავები ვერ ხედავენ. ვის ან რას მფარველობენ, ამ ფორმით, უცნობია. ამ კონკრეტული შემთხვევის ფაქტზე კი, რამდენი ლარით დაჯარიმდა კარაოკე კლუბი, შინაგან საქმეთა სამინისტროს პრესსამსახურმა, ინფორმაცია არ მოგვაწოდა.