სენაკში, თეატრის გახსნაზე წასული თეა წულუკიანი, სახლში „მთავარი არხის“ მიკროფონით დაბრუნდა. ქვეყნის პირველმა ვიცე-პრემიერმა იგი ჟურნალისტ, ემა გოგოხიას წაართვა და თან თქვა, რომ დაბრუნებას რამდენიმე თვე არ აპირებს. დიახ, ამ უკულტურო საქციელის ავტორი ჩვენი ქვეყნის კულტურის მინისტრია. მედია კორპუსი და ხელისუფლების ოპონენტები, მმართველი გუნდის წარმომადგენელს, ძარცვასა და ჟურნალისტურ საქმიანობაში ხელშეშლაში ადანაშაულებენ. სამაგიეროდ, თანაგუნდელს საქციელს უწონებენ „ქართული ოცნებაში“.
ეს კულტურის ის მინისტრია, რომლისთვისაც „ქართულმა ოცნებამ“ გაუქმებული კულტურის სამინისტრო აღადგინა. მმართველმა გუნდმა იფიქრა, რომ არაერთი პოზიციის შემდეგ, წულუკიანი ყველაზე კარგად კულტურას უხელმძღვანელებდა. თუმცა, რამდენად ამართლებს, კულტურის მინისტრი თანამდებობას შინაარსობრივად, ეს კადრებ მოწმობს.
„ქართული ოცნების“ კიდევ ერთმა წარმომადგენელმა ნათლად აჩვენა, რომ მმართველ გუნდში ბიძინა ივანიშვილის მიმართ ფანატიკურად არიან განწყობილნი. კულტურის მინისტრის ეს უკულტურო საქციელი ჟურნალისტების კრიტიკული კითხვების პასუხი იყო. წულუკიანი მიკროფონს არ აბრუნებს და ამბობს, რომ „მთავარი არხის“ ტექნიკის საშუალებით, საზოგადოებას „ქართული ოცნების“ მიერ გაკეთებული საქმეები უნდა აუწყოს.
მოგვიანებით წულუკიანმა, სოციალურ ქსელში გატაცებულ ნივთთან ერთად გადაღებული ფოტო, წარწერით „განვაიარაღე“ გამოაქვეყნა. „განიარაღებულმა“ ემა გოგოხიამ, პოლიციას მიმართა. სამართალდამცავებისგან კი ცოტა უცნაური პასუხი მიიღო. აღმოჩნდა, რომ გომელაურის უწყება წულუკიანს მიახლოებას ვერ უბედავს.
მიკროფონის წართმევის გამო, მთავარი არხის გენერალურმა დირექტორმა, დღეს, პროკურატურას მიმართა. ნიკა გვარამიას განმარტებით, კულტურის მინისტრმა, ერთდროულად ორი დანაშაული ჩაიდინა - ძარცვა და ჟურნალისტურ საქმიანობაში ხელშეშლა.
„სასაცილო“, „შერჩევითი სამართალი“, „გაძლიერებული დაუსჯელობის სინდრომი“ - ოპოზიციაში მომხარდს ამ სიტყვებით აფასებენ. ხელისუფლების ოპონენტების თქმით, „ქართულმა ოცნებამ“ „ჟურნალისტებზე თავდასხმის სეზონი გახსნა“.
მომხდარმა მთელი ქვეყანა მოიცვა. მათ შორის სოციალური სივრცეც. სამაგიეროდ, ერთადერთი, ვინც გვარწმუნებს, რომ ფაქტის შესახებ არაფერი გაუგია, ოცნების პრემიერ-მინისტრია. ძალადობის წამხაკისებელი ღარიბაშვილი თვლის, რომ თეა წულუკიანის მიერ ჟურნალისტისთვის მიკროფონის წართმევა დანაშაული არ არის.
„მთავარი არხის“ მიკროფონი ისევ თეა წულუკიანს აქვს. ვიცე-პრემიერი აანონსებს, რომ საზოგადიებას მისი მეშვეობით, სამ ოქტომბერს თვითმმართველობის არჩევნებში გამარჯვება უნდა აცნობოს. წულუკიანი ქვეყნის ისტორიაში ნამდვილად დარჩება კულტურის ისეთ მინისტრად, რომელიც თავს უკულტურო საქციელებით იჩენს.