24, ივლისი 2021 22:17:00
ინდოეთი რამდენიმე დღეა სტიქიას ებრძვის. ქვეყნის დასავლეთ ნაწილში მუსონური წვიმებით გამოწვეულმა წყალდიდობამ და მეწყერმა 100-ზე მეტი ადამიანის სიცოცხლე შეიწირა.
დასავლეთ შტატებში ეროვნული ჯარი, საზღვაო ფლოტი, სანაპირო დაცვა და კატასტროფაზე რეაგირების ეროვნული ძალებია მობილიზებული, რომლებიც სამაშველო ოპერაციებში მონაწილეობენ.
ინდოეთის ხელისუფლების განცხადებით, 54 ადამიანი დაიღუპა მაჰარაშთრას შტატში მომხდარი მეწყერის გამო, ხოლო 57 ადამიანი წყალდიდობას ემსხვერპლა გონდიასა და ჩანდრაპურის რეგიონებში. გარდა ამისა, სტიქიის გამო ათასობით ადამიანი უსახლკაროდ დარჩა.
მუსონური წვიმებით გამოწვეული წყალდიდობა და მეწყერი ზაფხულის პერიოდში ხშირია ინდოეთის დასავლეთ შტატებში, თუმცა მეტეოროლოგიური სამსახურის განცხადებით, გასულ წლებთან შედარებით, წელს, გაცილებით დიდი რაოდენობის ნალექი მოვიდა. მეტეოროლოგების თქმით, უხვი ნალექი არაბეთის ზღვის დათბობის შედეგად არის გამოწვეული.