09, აგვისტო 2021 21:48:00
ქედის მერიაში არსებული სამსახური, რომელმაც უწყების მუშაობა უნდა გააკონტროლოს და შესაბამისი დასკვნები დადოს, სახელმწიფო აუდიტის კრიტიკის ობიექტი გახდა. მაკონტროლებელი წერს, რომ შიდა აუდიტი დაკისრებულ მოვალეობას სრულყოფილად ვერ ასრულებს. შედეგად კი, მუნიციპალიტეტის მთავარი ფინანსური დოკუმენტიდან, საბიუჯეტო სახსრების ხარჯვის მიზნობრიობასა და ეფექტიობას ხელი ვერ ეწყობა. ვნახოთ ეკა ბარამიძის რეპორტაჟი მაღალმთიანი აჭარიდან.
ქედის მერიის შიდა აუდიტის სამსახური სრულყოფილად ვერ უზრუნველყოფს უწყების ფინანსების მართვის გაუმჯობესებას, მუნიციპალიტეტის ინფრასტრუქტურული ღონისძიებების შესრულების მონიტორინგის, საბიუჯეტო სახსრების ხარჯვის მიზნობრიობის და ეფექტიანობის ზრდის ხელშეწყობას - ეს მცირე ამონარიდია სახელმწიფო აუდიტის მიერ გამოქვეყნებულ დასკვნაში, რაც გასულ წელს დაიწერა. ქედის საკრებულოს ოპოზიციონერი წევრის, ვაჟა ბოლქვაძის შეფასებით, შიდა აუდიტის სამსახური ინფრასტრუქტურულ ღონისძიებებზე კონტროლს თვითმართველი რგოლის, ხარვეზებისა თუ ნაკლოვანებების დაფარვის მიზნით არ ახორციელებს.
ქედის ადგილობრივ ბუჯეტს, ამ სამსახურის შენახვა წლის განმავლობაში 31 ათას 300 ლარი უჯდება. თანხის ძირითადი ნაწილი, თანამშრომლების ხელფასს ხმარდება.
თავად სამსახურის უფროსი, სახელწიფო აუდიტის მიერ, ოფიციალურად გაწერილ კრიტიკასთან დაკავშირებით ასეთ განმარტებას აკეთებს:
არსებული დასკვნების მიუხედავად, ქედის საკრებულო, რომელიც მუნიციპალიტეტის ბიუჯეტს ამტკიცებს და მერიაში მოქმედი სამსახურებისგან შესრულებული სამუშაოების ანგარიშებს ისმენს, შიდა აუდიტის მუშაობით კმაყოფილია.
აღნიშნული გარდა, ქედის მერიში სულ 9 სამსახური არის, შიდა აუდიტის სამსახური კი 2010 წელს ჩამოყალიბდა.