"კორონავირუსის პანდემიის გამო, ადამიანის სიცოცხლის საშუალო ხანგრძლივობა 2020 წელს 2019 წელთან შედარებით 6 თვეზე მეტი ხნით შემცირდა, რაც ყველაზე მაღალი მაჩვენებელია მეორე მსოფლიო ომის შემდეგ", - ამის შესახებ Reuters-ი ოქსფორდის უნივერსიტეტის მიერ გამოქვეყნებული კვლევის შედეგებზე დაყრდნობით წერს.

სააგენტოს მიერ გავრცელებული ინფორმაციით, კვლევამ, რომელიც ევროპის ქვეყნებს, აშშ-სა და ჩილეს, ჯამში 29 ქვეყანას, მოიცავდა, აჩვენა, რომ აღნიშნული ქვეყნებიდან 27-ში სიცოცხლის საშუალო ხანგრძლივობა შემცირდა.

კვლევის თანახმად, მამაკაცების სიცოცხლის ხანგრძლივობა ქალების სიცოცხლის ხანგრძლივობაზე მეტად შემცირდა და ამ მხრივ ყველაზე ცუდი შედეგი ამერიკელ მამაკაცებში დაფიქსირდა, სადაც, მამაკაცების სიცოცხლის ხანგრძლივობა 2019 წელთან შედარებით 2.2 წლით შემცირდა.

Tags:

• პანდემია
• სიცოცხლის ხანგრძლივობა
• მეორე მსოფლიო ომი

გაზიარება

1