06, ოქტომბერი 2021 15:32:00
საქართველოს პარლამენტის თავმჯდომარე, კახა კუჭავა, მიხეილ სააკაშვილის ექსტრადაციასთან დაკავშირებით განცხადებას აკეთებს, აღნიშნავს, რომ ექს-პრეზიდენტის ექსტრადაციაზე არანაირი საუბარი არ იქნება.
კახა კუჭავას განცხადებით, მიხეილ სააკაშვილის უკრაინაში ექსტრადიციაზე საუბარიც კი ზედმეტია.
"ბუნებრივია ამ საკითხსაც შევეხებით და ვისაუბრებთ, მაგრამ არანაირ ექსტრადიციაზე საუბარი არ იქნება, მით უმეტეს, ჩემი მხრიდან. ამაზე შესაბამისი უწყებები ითანამშრომლებენ, თუმცა ჩვენ ძალიან კარგად ვიცით, რომ ვსაუბრობთ მსჯავრდებულზე, რომელმაც, ძველი საქმეები რომ ამ მომენტში გვერდზე გადავდოთ, პირდაპირ დაარღვია კანონი როგორც ერთი, ასევე მეორე ქვეყნის საზღვრის უკანონო კვეთასთან დაკავშირებით, ამიტომ ზედმეტია და ვერც იქნება პოლიტპატიმრობაზე ან რამე მსგავსზე საუბარი." - განაცხადა კახა კუჭავამ.
ცნობისთვის, საქართველოს პარლამენტის თავმჯდომარე უკრაინაში ოფიციალური ვიზიტით მას შემდეგ იმყოფება, რაც სააკაშვილი დააკავეს.