საქართველოში საწვავი ისევ გაძვირდა. პირველ ნოემბერს ფასებმა საშუალოდ 4 თეთრით იმატა თითქმის ყველა ბრენდირებულ ბენზინგასამართ სადგურზე. რა სახელდება გამომწვევ მიზეზად და კონკრეტულად რა იყო ბენზინის საშუალო ღირებულება? ია გოლიაძე შემოგვიერთდება თემის დეტალებით
დიახ, თვითმმართელობის არჩევნებიდან 2 დღის შემდეგ საწვავის ღირებულებამ რეკორდულ ფასს მიაღწია და ა 4 თეთრით იმატა. ბოლო 10 დღის განმავლობაში სულ 10 თეთრითაა გაძვირებული. Regular-ის ტიპის ბენზინის საშუალო ღირებულება დაახლოებით 2,94 თეთრს შეადგენს, Super-ის საშუალო ფასი 3,17 თეთრია, ხოლო Premium-ის ტიპის საწვავის ღირებულება საშუალოდ 3,25 თეთრი. ნავთობპროდუქტების იმპორტორი კომპანიების წარმომადგენლების თქმით, ეს ამ ეტაპზე ერთ ერთი ყველაზე რეკორდულად მაღალი ფასია. მათივე განმარტებით, გამომწვევ მიზეზად საერთაშორისო ბაზრებზე მოთხოვნასა და მიწოდებას შორის არსებული დისბალანსია.სფეროს ექსპერტების თქმით, გამოსავალი აქციზის გადასახადის შემცირებაა.
საქართველოში საწვავზე ფასის ზრდა ბოლო ერთი თვის განმვალობაში 18 პროცენტს შეადგენს. საწვავზე ფასების ზრდა განსაკუთრებით იგრძნობა ბრენდირებულ ბენზინგასამართ სადგურებზე, რასაც ვერ ვეტყვით არაბრენდირებულ ბენზინგასამართსადგურებზე.
საქართველოში ბოლო ერთი წლის განმავლობაში საწვავის ფასი 2ჯერაა გაზრდილი. აქვე ყურადსაღებია ისიც, რომ უკანასკნელი თვეების განმავლობაში თხევადი გაზის ფასი ქვეყანაში ყველაზე სწრაფი ტემპით, იზრდება. არსებული მდგომარეობით მისი ფასი დაახლოებით 2 ლარია, მაშინ როცა ორი კვირის წინ 1,9 ლარად ივაჭრებოდა. ექსპერტების პროგნოზებით მომავალში ფასების ზრდა კვლავ მოსალოდნელია.
5
s
s
s