13, ნოემბერი 2017 14:06:00
ჯუმბერ ვარდმანიძე ხელვაჩაურის მერის პოსტზე მუშაობას შეუდგა. პირველ სამუშაო დღეს ახალმა მერმა თემის რწმუნებულებთან სამუშაო თათბირი გამართა და მათი მუშაობის ხარვეზებზე მიუთითა. ვარდმანიძემ აღნიშნა, რომ წინასაარჩევნო კამპანიის წარმოებისას ბევრი ისეთი პრობლემა გამოიკვეთა, რომელიც თემის რწმუნებულებს დროულად უნდა მოეგვარებინათ. ხელვაჩაურის ახალი მერის თქმით, მისი მთავარი საზრუნავი მუნიციპალიტეტში 24 საათიანი წყალმომარაგების მოგვარებაა.