20, ნოემბერი 2017 14:02:00
სინოპტიკოსები ამინდის გაუარესებას ვარაუდობენ. დღეს და ხვალ მოსალოდნელია ცვალებადი მოღრუბლულობა. დღე უმეტესად უნალექოდ ჩაივლის. ცვალებადი მიმართულების ქარი 10-15 მეტრი წამში იქროლებს. ჰაერის ტემპერატურა რაიონებში ღამით 8-13, დღისით 17-22, მთიან რაიონებში ღამით 2-7, დღისით 10-15 გრადუსი სითბო დაფიქსირდება. ზღვის წყლის ტემპერატურა 15.0 გრადუსამდე დაეცემა. მომდევნო ორი დღის განმავლობაში დროგამოშვებით იწვიმებს, მთაში კი მოთოვს. ინფორმაცია ამინდის პროგნოზის შესახებ აჭარის რეგიონალური ჰიდრომეტეოროლოგიურმა ობსერვატორიამ მოგვაწოდა.