ხიხანის ქუჩის მცხოვრებლებმა მორიგი საპროტესტო აქცია გამართეს. ადგილობრივები „საქართველოს სახელმწიფო ელექტროსისტემის“ მიერ შეთავაზებული თანხის ოდენობა ისევ არ ეთანხმებიან. საუბარია საკარმიდამო მიწის ნაკვეთებზე, სადაც კომპანიამ ანძები დაამონტაჟა, სანაცვლოდ კი მოქალაქეებს ერთ კვადრატულ მეტრში 7-დან 11 ლარამდე სთავაზობს. თავის მხრივ ადგილობრივები ირწმუნებიან, რომ ტერიტორია სამხარაულის ექსპერტიზას, ბევრად ძვირად აქვს შეფასებული. დავა კომპანიასა და მოსახლეობას შორის მიმდინარე წლის მარტიდან სასამართლოებშიც მიმდინარეობს, თუმცა დღემდე არ დასრულებულა. მოსახლეობა პროცესების მიმდინარეობით უკმაყოფილოა და მიზნის მიღწევას აქციების გზით ცდილობს. „საქართველოს სახელმწიფო ელექტროსისტემა“ თანხის ოდენობის გაზრდას არ აპირებს და მოქალაქეებს ისევ სასამართლოსკენ მიუთითებს.
4
s
s
s