31, იანვარი 2018 14:05:00
ბათუმში მიკროავტობუსებით მგზავრობა ხვალიდან ძვირდება. მოქალაქეებს 1 თებერვლიდან, 40-ის ნაცვლად 50 თეთრის გადახდა მოუწევთ. ტარიფის შეცვლა ბათუმის საკრებულოს გადაწყვეტილებით მოხდა. მძღოლების მტკიცებით, საწვავის ფასის მატებამ მგზავრობის ხარჯზე იმოქმედა. აღსანიშნავია, რომ ტრანსპორტირების ფასის გაზრდის მიუხედავად, მიკროავტობუსებში მომსახურების ხარისხი არ შეცვლილა. უკმაყოფილებას გამოთქვამენ მგზავრები, რომლებსაც დღეში სხვადასხვა ტრანსპორტით სარგებლობა უწევთ.