20, თებერვალი 2018 20:05:00
მერაბ ღოღობერიძე სასჯელაღსრულების დაწესებულებაში არაადამიანური მოპყრობის ფაქტებზე საუბრობს. მსჯავრდებული ქუთაისის მეორე პენიტენციულ დაწესებულებაშია მოთავსებული. იგი განცხადებაში აღნიშნავს, რომ მის მიმართ ხდება ადამიანის უფლებათა კონვენციის დარღვევა. ღოღობერიძის მტკიცებით, გაუსაძლის პირობებში იმყოფება და მოსამართლეს თხოვნით მიმართავს არნიშნული ინფორმაცია შესაბამის უწყებებს აცნობოს. ბრალდებული მერაბ ღოღობერიძე ასევე, ამტკიცებს, რომ მისი გადაყვანა ღია ტიპის სასჯელარსრულების დაწესებულებაში უნდა მომხდარიყო, თუმცა ამ დრომდე დახურულ დაწესებულებაში იმყოფება. მერაბ ღოღობერიძის მიერ ბათუმის საქალაქო სასამართლოში დღეს გაკეთებულ განცხადებას სასჯელაღსრულებისა და პრობაციის სამინისტრო გამოეხმაურა.