24, მარტი 2018 20:44:00
დღეს ტუბერკულოზთან ბრძოლის საერთაშორისო დღეა. თარიღი მსოფლიოში 1982 წლიდან აღინიშნება. თემაზე ბათუმში კონფერენცია გაიმართა. განიხილეს ინიციატივა- ნულოვანი ტუბერკულოზი აჭარის რეგიონში, რომლის თანახმად უნდა შეიქმნას ე.წ “ელიმინაციის კუნძული” რამაც ტუბერკულოზის გავრცელება უნდა შეამციროს. შეხვედრაზე, ასევე, წარმოადგინეს კვლევის შედეგები, რომელიც ავადობის მაჩვენებელს ასახავს. საქართველოში უკანასკნელ წლებში აღინიშნება ტუბერკულოზის გავრცელების კლების ტენდენცია. წინასწარი მონაცემებით 2017 წელს, ყველა ფორმის ტუბერკულოზის 2913 შემთხვევა დარეგისტრირდა, მათ შორის 2131 ახალი შემთხვევაა. კონფერენციია ფარგლებში, დაავადების წინააღმდეგ ერთობლივი ძალებით ბრძოლის მიზნით საქართველოს და აჭარის ჯანდაცვის სამინისტროოებსა და დაავადებათა კონტროლის ეროვნულ ცენტრს შორის მემორანდუმიც გაფორმდა. შეხვედრაზე ითქვა, რომ ტუბერკულოზის ეპიდემიის დასრულება 2030 წლისათვის გაეროს მდგრადი განვითარების ჯანმრთელობის სამიზნეა.