26, მარტი 2018 14:07:00
ხელვაჩაურის მერია საცხოვრებელი სახლების გადახურვის პროგრამის შემუშავებას გეგმავს. მუნიციპალიტეტის მერის თქმით, სიახლე მიმდინარე წლის მეორე ნახევრიდან ამოქმედდება. ბიუჯეტსა და კრიტერიუმებს, როგორც ჯუმბერ ვარდმანიძე ამბობს საკითხის შესწავლის შემდეგ განსაზღვრავენ. აცხადებს, რომ აქამდე არსებული პრაქტიკით მოქალაქეებს პირდაპირი დაფინანსების პრინციპით აკმაყოფილებდნენ, რის გამოც ხშირად გაუგებრობას ჰქონდა ადგილი და მოსახლემ არ იცოდა რა შემთხვევაში ეკუთვნოდა დახმარება. 2014-2015 წლებში ე.წ. შიფერის შესაძენად ბიუჯეტიდან 88 ათასი ლარი დაიხარჯა. გასულ წლებში კი მერია მოსახლეობას სარეზერვო ფონდიდან ეხმარებოდა.