14, ივნისი 2018 14:04:00
ბათუმის საერთაშორისო ჰოსპიტალში უფასო გამოკვლევების აქცია დაიწყო. აჭარის რეგიონში რეგისტრირებულ 35-დან 40 წლამდე და 70 წელს ზევით ასაკის ქალებს შეუძლიათ უფასოდ ჩაიტარონ მკერდის მამოგრაფიული კვლევა, ასევე მამოლოგთან გაიარონ კონსულტაცია. 25- დან 30 წლამდე ასაკის ქალებისთვის სარძევე ჯირკვლის უფასო ელასტოგრაფია-ექოსკოპიური კვლევაა გათვალისწინებული. 60 წლის ზემოთ ასაკის ქალებისთვის კი საშვილოსნოს ყელის უფასო სკრინინგი. კვლევები ბათუმის მერიის პროგრამის "ონკოლოგიურ დაავადებათა ადრეული ფორმების დიაგნოსტიკა და პრევენცია" ფარგლებში ხორციელდება.