16, ივნისი 2018 20:51:00
ENPARD-ის პროგრამის ფარგლებში აჭარაში სოფლის მეურნეობის განვითარება გრძელდება. აჭარის მთავრობის თავმჯდომარე, ზურაბ პატარაძე ევროკავშირის მიერ დაფინანსებული ორი ფართომასშტაბიანი პროექტის პრეზენტაციას დაესწრო. პრეზენტაცია ქობულეთში, აგროსერვისცენტრში ჩატარდა, სადაც ადგილობრივი მეწარმეების პროდუქცია იყო წარმოდგენილი. ENPARD-ის მესამე ფაზის ფარგლებში ევროკავშირის მიერ დაფინანსებული ორი ფართომასშტაბიანი პროექტი 2018-2022 წლებში განხორციელდება. ინიციატივებს გაეროს ორი სააგენტო აჭარის მთავრობასთან თანამშრომლობით განახორციელებს.