20, ივნისი 2018 14:09:00
კურორტ "გოდერძიზე" 6 ახალი პროექტის დაწყება იგეგმება. აჭარის მთავრობის თავჯდომარის ინფორმაციით, ინვესტორებთან მოლაპარაკებები თითქმის დასრულებულია და საინვესტიციო პაკეტების პრეზენტაცია რამდენიმე დღეშია დაგეგმილი. ზურაბ პატარაძის თქმით, დაახლოებით 200 მილიონი ლარის ინვესტიცია განხორციელდება. რეგიონის პირველი პირი აღნიშნავს, რომ სასტუმრო კომპლექსების მშენებლობა და კურორტის განვითარება გენერალური გეგმის მიხედვით მოხდება, რაც მნიშვნელოვანია. აჭარის მთავრობის ინფორმაციით, კურორტ "გოდერძიზე" ჯამში 17 სასტუმრო კომპლექსი მშენებლობაა დაგეგმილი. პარალელურად ალპური ბოტანიკური ბაღის მშენებლობა მიმდინარეობს.