05, ივლისი 2018 17:23:00
აჭარის მთავრობის თავმჯდომარეობის კანდიდატებს შორის თორნიკე რიჟვაძე ერთადერთია, რომელზეც აქტიურად საუბრობენ და განიხილავენ. მიმდინარეობს თუ არა კონსულტაციები მასთან ? - უცნობია, რიჟვაძემ დღეს ჩვენს სატელეფონო ზარებს არ უპასუხა. იგი ამ დრომდე საქართველოს ენერგეტიკის განვითარების ფონდის ხელმძღვანელის პოსტზე რჩება. მანამდე ენერგეტიკის მინისტრის მოადგილედ მუშაობდა. 2013 -2017 წლებში ის "აჭარისწყალი ჯორჯიას" დირექტორი იყო. 2014-2016 წლებში აჭარის მთავრობის ეკონომიკური საბჭოს მრჩეველი საინვესტიციო და ეკონომიკურ საკითხებში. თორნიკე რიჟვაძე პროფესიით იურისტია. განათლება მიღებული აქვს ენერგეტიკის მიმართულებითაც.