23, ივლისი 2018 20:44:00
დუმბაძის ქუჩაზე მცხოვრებლები ბათუმის მერიას მიმართავენ. ისინი ღამით, კაფეებისგან გამომავალი ხმაურის გადაჭარბების გამო წუხდებიან. მაღალი მუსიკის შედეგად კი, როგორც თავად ამბობენ, ტერიტორიაზე ტურისტები ბინას აღარ ქირაობენ, რაც მათ შემოსავალზე უარყოფითად აისახა. ობიექტების მეპატრონეებს პრეტენზიებით მიმართეს, თუმცა მათგან ფაქტს რეაგირება არ მოჰყოლია. ბათუმის მერიაში განმარტეს, რომ აღნიშნული ქუჩიდან დარღვევის შესახებ შეტყობინება არ შესულა. უწყების წამომადგენლები დუმბაძის ქუჩაზე არსებული ვითარების შესწავლას დღეიდან დაიწყებენ.