11, იანვარი 2017 11:25:00
„ერთი დღე მოხუცთა თავშესაფარში“ – კამპანიის ფარგლებში ბსუ-ს საბუნებისმეტყველო მეცნიერებათა და ჯანდაცვის ფაკულტეტის პროფესორებმა წმინდა მოწამე ეკატერინეს სათნოების სახლის ბენეფიციარებს სამედიცინო მომსახურება გაუწიეს. დღის განმავლობაში სტუდენტები მოხუცებულებზე ზრუნავდნენ. უნივერსიტეტის ადმინისტრაციამ სათნოების სახლის მცხოვრებლებს საჩუქრად ტკბილეული, საყოფაცხოვრებო და ჰიგიენური პროდუქცია გადასცა. კამპანია კულტურულ-გასართობი ღონისძიებით დასრულდა. მსგავს აქციებს უნივერსიტეტი სამომავლოდაც გეგმავს.