14, აგვისტო 2018 20:11:00
ქობულეთის მუნიციპალიტეტის მოსახლეობა კომპენსაციას მოითხოვს. მათი თქმით, ფაროსანასთან ბრძოლის მეთოდები არაეფექტურად განხორციელდა და თხილის მოსავალი წელსაც განადგურდა. ამბობენ რომ, თხილი შემოსავლის ერთადერთი წყარო იყო. აქციის მონაწილეებს ქობულეთის საკრებულოს და აჭარის უმაღლესი საბჭოს „ერთიანი ნაციონალური მოძრაობის“ წევრები შეუერთდნენ. აჭარის სოფლის მეურნეობის მინისტრის მტკიცებით, თხილის გაფუჭება მხოლოდ ფაროსანას ბრალი არ არის. ტიტე აროშიძის თქმით, სამინისტრო სოფლის მეურნეობის გასაუმჯობესებლად არაერთ ღონისძიებას ახორციელებს. რაც მომავალშიც გაგრძელდება. მინისტრმა განმარტა, რომ წელს გაფუჭებული მოსავლის კონპენსირება არ იგეგმება.