28, აგვისტო 2018 20:46:00
შინაგან საქმეთა სამინისტროს განმარტება ვიდეოჯარიმებთან დაკავშირებით. უწყება მოქალაქეებს ახსენებს, რომ საჯარიმო ქვითარი police.ge-ზე გამოქვეყნებიდან 30-ე დღეს დაჯარიმებული პირისთვის ჩაბარებულად ითვლება. სამართალდამრღვევს, ჯარიმის დაფიქსირებისთანავე მოკლე ტექსტური შეტყობინება ეგზავნება. 10 დღის ვადაში გადაუხდელობის შემთხვევაში, ქვითარი ფოსტით იგზავნება, ჩაუბარებლობის შემთხვევაში, ვიდეოჯარიმა განმეორებით იგზავნება. ორჯერ ჩაუბარებლობის შემთხვევაში კი სამინისტრო საჯარიმო ქვითარს საჯაროდ ოფიციალურ ვებ გვერდზე გამოაქვეყნებს. გამოქვეყნებიდან 30-ე დღეს კი ჩაბარებულად მიიჩნევა. ფოტო ან ვიდეოფირზე დაფიქსირებულ ჯარიმებზე ქულათა კლების სისტემა არ ვრცელდება.