07, მარტი 2017 20:44:00
ბათუმის საერთაშორისო საუნივერსიტეტო ჰოსპიტალის დირექტორი აჭარის ჯანდაცვის სამინისტროს მიმართავს. უწყებას ისმეთ დინდარი საავადმყოფოში არსებული მდგომარეობის შესწავლას თხოვს. დირექტორს ეჭვი აქვს, რომ ეკონომიკური კრიზისი საავადმყოფოში ხელოვნურად შეიქმნა და კონკრეტულ პირებზე მიუთითებს. მენეჯმენტთან შეხვედრის მოთხოვნით საპროტესტო აქცია ჰოსპიტალის მოქმედმა თანამშრომლებმა გუშინ გამართეს. უკვე გათავისუფლებული თანამშრომლები კი სამედიცინო დაწესებულებაში შანტაჟის, ნეპოტიზმის, უთანასწორო გადაწყვეტილებებისა და ხელფასის დაგვიანების ფაქტებზეც საუბრობენ. დინდარი თვლის, რომ ისინი უფლებამოსილებაშეჩერებული, ჰოსპიტალის წილის მესაკუთრე დირექტორების მიერ არიან მართულები.